93-nöwetlik oskar mukapatliri tarqitildi
kino-filim dunyasining eng dangliq mukapatliridin biri bolghan oskar mukapatliri los-anzhélis shehiride tarqitildi.
türkiye awazi radiyosi xewiri: amérikaning los-anzhélis shehiridiki dolbi (Dolby) tiyatirida oskar mukapatlirini tarqitish murasimi ötküzüldi.
murasimda, «nomadlend» filimi, eng yaxshi filim mukapatigha érishti. eng yaxshi rézhissor mukapatigha, «nomadlend» filimining rézhissori xitay millitidin bolghan chlo jaw érishti.
chlo jaw 93-nöwetlik oskar mukapatliri eneniside «eng yaxshi rézhissor» mukapatigha érishken ikkinchi ayal rézhissor bolup qaldi.
chlo jaw murasimda: «bu mukapatni qanchilik japaliq bolushidin qetiynezer, könglidiki yaxshiliqni we bir-birining ichidiki yaxshiliqni emelge ashurush üchün jasaret hemde ishenchke ige bolghanlar üchün aldim» dédi.
«nomadlend» filimide rol alghan firansis mak dormand (Frances McDormand) «eng yaxshi ayal artis» mukapatigha, «ata» filimide bash rol alghan antoni xopkins (Anthony Hopkins) «eng munewwer er artis» mukapatigha érishti.
minari filimide rol alghan yu jungyon «eng yaxshi yardemchi ayal artis» mukapatigha, «yehuda we qara mesih» filimide rol alghan daniyal kaluya (Daniel Kaluuya) «eng yaxshi yardemchi er artis» mukapatigha érishti.
daniyening «Another Round» filimi, eng yaxshi xelqaraliq filim» mukapatigha érishti.
