kanadada oquydighan türk oqughuchilar xelqaraliq musabiqide üchinchi boldi

türkiye awazi radiyosi xewiri: kanada british kolombiye uniwérstétida oquiwatqan kuthan chelebi anadolu agéntliqining ziyaritini qobul qilip, xelqaraliq musabiqe bolghan «alemni bayqaydighan we tereqqiy qilduridighan oqughuchilar» (Students for Exploration and Development of Space) jemiyiti teripidin ötküzülgen «yash alem igilik tikligüchiliri» (Young Space Entrepreneurs) musabiqisige, üch kishilik guruppisi bilen qatnashqanliqini bildürdi.

u pütkül kanadadin qatnashqan komandilar arisida üchinchi bolghanliqlirini eskertip, derijige érishken layihening alem tetqiqatliri tennerxini azaytidighanliqini qeyt qildi.

u alimlar teripidin alem ishliri üchün tereqqiy qildurulghan nurghun ilmiy tetqiqatlarning, guwahname élish we alem sinaqliri üchün nöwitini kütüwatqanliqini, bu musapining nahayiti uzun we intayin qimmet ikenlikini, xelqaraliq alem ponkitidiki bir astronomning tetqiqatchilar teripidin sétiwélinghan bir saetlik heqqining 130 ming amérika dolliri ikenlikini bildürdi.

u özlirining layihelirining, bu ishlarni astronomlargha éhtiyaji chüshmestin aptomatik emelge ashuridighan bir qatar mashina adem we aptomatik sistémilirini öz ichige alidighanliqini eskertti.

u: «bu hem qimmet, uzun musapini emeldin qalduridu, hemde ilmiy tetqiqatlarning qisqa waqit ichide netijige érishishini kapaletke ige qilidu» dédi.

u alemde tartish küchi yoq bolghan ehwalda qilinidighan tetqiqatlarning milyon dollardin ashidighan tennerxi yuqiri jeryanlarni bir qanche hesse azaytidighan mulazimet we mehsulatlarni peyda qilidighanliqini bildürüp: «alem saheside toplaydighan tejribilirimdin kéyinki künlerde dölitimge payda yetküzüsh üchün paydilinishni arzu qilimen» dédi.