gérmaniyede musulmanlargha saylamlargha qatnishishi chaqiriq qilindi
gérmaniye musulmanlar merkiziy kéngishining reisi ayman mazyék bu yilning gérmaniyede derijidin tashqiri saylam ötküzülidighan bir yil ikenlikini bayan qilip, dölettiki musulmanlarni saylamlargha qatnishishqa chaqirdi.
türkiye awazi radiyosi xewiri: mazyék, bu heqte élan qilghan yazma bayanatida, bu yil gérmaniyede hem ölkilik hem omumiy saylamlarning ötküzülidighanliqini eskertip, texminen 2 milyon musulman saylighuchining saylamgha qatnishishi kéreklikini qeyt qildi, hemde bu meqsette «méning awazim muhim» shoari astida seperwerlik paaliyetliri élip bérishqa bashlighanliqlirini tekitlep mundaq dédi: «biz gérmaniyening bir parchisi hésablinimiz, seperwerlik paaliyetlirimiz arqiliq démokratiye we asasliq erkinlikler terepdari ikenlikimizni namayen qilmaqchimiz, ishlitilmigen her bir awaz gérmaniyeni parchilashqa urunuwatqan ongchil we awamchilargha bérilgen bolidu.»
igilinishiche, gérmaniyede fédératsiye parlamént saylamliri 26-séntebir ötküzülidiken. buningdin bashqa yene, bu yil 6 oxshimighan ölkidimu parlamént saylamliri ötküzülidiken.
