shimaliy koréye chégradiki herbiylerdin xaliylashturulghan biterep rayongha mina kömdi

türkiye awazi radiyosi xewiri: yonxap agéntliqining xewirige asaslanghanda, jenubiy koréye herbiy emeldarliri ikki koréyeni bi-birige tutashturidighan we herbiylerdin xaliylashturulghan biterep rayonning yollirigha shimaliy koréyening mina kömgenlikini bayqighanliqini élan qilghan.

bu ikki dölet otturisidiki chégra halqighan yollarni taqash dairiside, shimaliy koréye teripidin tashlanghan axirqi qedemlerning biri bolghan.

shimaliy koréyening ötken yili (2023) mu ikki dölet chégrasidiki chéorwondiki arrowhéd choqqisi etrapidiki biterep rayonning yollirigha mina kömgenliki bayqalghan idi.

ötken yili dékabirda shimaliy koréye rehbiri kim jongun keskin perman chüshürüp, gyungyüy tashyolini taqashni öz ichige alghan halda ikki dölet chégrasidiki barliq ulinishni üzüp tashlighan idi.

shimaliy koréye 18 - aprél (2024) da, koréyelikler ara yarishish musapisining bir qismi süpitide, 2004 - yili qurulghan we kéyin emeldin qaldurulghan kaysong sanaet meydanidin kumgangsan téghigha tutishidighan yollardiki kocha chiraghlirining hemmisini élip tashlighan idi.