stolténbérg slowakiye bash ministirigha qilinghan hujumgha naraziliq bildürdi

türkiye awazi radiyosi xewiri: shimaliy atlantik ehdi teshkilati — nato bash katipi yéns stolténbérg slowakiye bash ministiri robért fikoning uzun yil birlikte xizmet qilghan mensepdishi ikenlikini, uning qoralliq hujumda yarilanghanliqidin chongqur azablanghanliqini bildürüp, fikoning ailisi we slowakiye xelqidin hal soridi.

nato bash katipi yéns stolténbérg bélgiyening paytexti biryussélda bayanat bérip: «men uning bilen 20 yildek bille ishlidim. nechche yil ilgiri her ikkimiz bash ministir bolup, mensepdash iduq. bu hujum bizni chüchütti we wehimige saldi» dédi we sözini dawamlashturup: «bu démokratiyemizning barliq éléméntlirigha qaritilghan hujum. démokratik döletlerde pikirlirimiz oxshimashliqi mumkin, emma zorawanliqni qobul qilishqa bolmaydu. oy-xiyalimiz bash ministir fiko, uning ailisi we slowakiye xelqi bilen birge» dégenlerni qeyt qildi.

slowakiye bash ministiri fiko tünügün dölitining xendlowa bazirida ötküzülgen ministirlar kéngishi yighinidin kéyin qoralliq hujumgha uchrap yarilanghandin kéyin, doxturxanida balnistqa élinghanidi.