yamayka pelestinni resmiy dölet süpitide étirap qilidighan boldi
yamayka pelestinni resmiy dölet süpitide étirap qilidighanliqini élan qildi.
türkiye awazi radiyosi xewiri: yamayka diplomatiye we tashqi soda ministiri kamina jonson simit axbarat élan qilip: «yamayka uzundin buyan dawamliship kéliwatqan (israiliye - pelestin otturisidiki) toqunushni hel qilishta birdinbir inawet küchige ige tallash süpitide ikki döletlik hel qilish charisini qollap quwwetleshni dawamlashturidu» dédi.
jonson simit tunugün ötküzülgen ministirlar kéngishi yighinidin kéyin, pelestinni dölet süpitide resmiy étirap qilish qarari maqullanghanliqini bildürdi.
rayondiki jiddiychilikni peseytish we rayonda menggülük tinchliqni ishqa ashurush üchün barliq tirishchanliqlarni qollashni dawamlashturidighanliqini tekitligen jonson simit, tereplerni mesilini diplomatik yollar arqiliq hel qilishqa chaqirdi.
barbados hökümitimu 20 - aprélda pelestinni resmiy dölet süpitide étirap qilishni qarar qilghan idi.
