islam hemkarliq teshkilati yighini pelestinni qollap quwwetlesh uchuri bilen bashlandi

türkiye awazi radiyosi xewiri: bashliqlar yighinigha riyasetchilik qilghan gambiye pirézidénti adama barrow échilish nutuqida, pelestinni qollaydighanliqi toghrisida uchur bérip, israiliyening pelestindiki hujumi we ghezzediki weyran qilghuch urushining hel qilish charesini tépishning lazimliqini otturigha qoydi.

barrow rayonda dawamlishiwatqan zorawanliq we muqimsizliq hemde ghezzediki insanperwerlik kirizisining tinchliq éhtimalliqini töwenlitiwetkenlikini tekitlep, bu ehwalning rayonning muqimliqi we yer sharining tinchliqigha éghirtehdit élip kélidighanliqini bildürdi.

pelestinde hel qilish charesi üchün  bir tinchliq konféransi ötküzüsh kéreklikini bildürgen barrow yene mundaq dédi:

«bizherbiy arilishishning tallash emeslikige ishinimiz. buning ornigha tinchliq we ikki döletlik hel qilish charesini qollap quwwetleymiz. bu teklip her ikki döletni igilik hoquq we öz teqdirini özi belgilesh hoquqining kapaliti bilen teminleydu. yene kélip xelqara jemiyet pelestin xelqining pelestin dölitini étirap qilish arqiliq qobul qilinghan qanunluq milliy hoquqini eslige keltürüshi kéreklikini tekitlimektidur.»

barrow jenubiy afriqaning israiliyege qarshi sunghan erzini maxtidi shundaqla jenubiy afriqa bilen shundaqla adalet we jawabkarliq telep qilidighan hemmeylen bilen hemkarlishidighanliqlirini, israiliye sadir qilghan wehshiylikning qurbanliri üchün adalet izdeshni qollap quwwetleydighanliqlirini bildürdi.

islam hemkarliq teshkilati bash katipi hüseyin ibrahim tahamu xelqarada pelestinni qoghdash üchün hemkarliqni tekitlidi we islam hemkarliq teshkilati bolush süpiti bilen, israiliyening ghezzediki hujumini toxtitishi, pelestinliklerning heq - hoquqini étirap qilish we pelestinni musteqil dölet  süpitide étirap qilish chaqiriqida boldi.