amérikadiki israiliyege qarshi namayishta 100 din artuq kishi qolgha élindi
bir guruppa kishiler amérikaning israiliyeni qollap quwwetlishi we israiliyege qoral sétip bérishige qarshi nyuyorkta bir kéngesh palatasi ezasining öyi aldida namayish ötküzdi.
türkiye awazi radiyosi xewiri: namayishta 100 din artuq kishi qolgha élindi.
amérika kéngesh palatasi israiliyege milyardlighan dollarliq yardem bérish pilanini testiqlighandin kéyin, yehudiy paaliyetchilernimu öz ichige alghan israiliyege qarshi bir guruppa kishiler kéngesh palata ezasi chuk schumérning nyuyorktiki öyining aldigha toplandi.
«derhal urush toxtitinglar!» we «israiliyege qoral sétishni toxtitinglar!» dep yézilghan maykilarni kiygen namayishchilar kéngesh palata ezasi schumérni israiliyege qoral sétishning aldini élish üchün qedem tashlashqa chaqirdi we nyuyork kochilirini qatnashtin tosup qoydi.
namayishchilar qatnashni échishni ret qilghandin kéyin, saqchilar 100 din artuq namayishchini qolgha aldi.
amérika kéngesh palatasi teywenge 8 milyar dollarliq, ukrainagha 61 milyard dollarliq, israiliyege 26 milyard dollarliq jemiy 95 milyard dollarliq yardem pilanini testiqlap, aqsaraygha yollighan idi.
