rusiye ukrainagha amérika yardimi kélishtin ilgiri hujumlirini kücheytidighan boldi
rusiye fédérasiyesi dölet mudapie ministiri sérgéy shoygu ukraina armiyesining transport ul eslihelirige ziyan sélish üchün aldimizdiki bir nechche hepte ichide hujumlarni kücheytidighanliqini éytti.
türkiye awazi radiyosi xewiri: urush tetqiqati instituti (ISW) ning qarishiche, rusiye armiyesi amérikaning yéngi qanun layihisi bilen ukrainani qollap quwwetlesh üchün tashlighan qedimige jawaben uchquchisiz ayropilan we bashqurulidighan bomba hujumlirini kücheytidiken.
herbiy mutexessislerning qarishiche, shoyguning ukrainaning «transport ul eslihelirige» (ziyan sélishni) alahide tekitlishidiki meqsiti qatnash liniyesi we qoral ambarlirini bitchit qilishni körsitidiken.
kelgüsi bir nechche hepte ichide, rusiye armiyesi hujum herikitini kücheytip, amérika yardimi yétip kélishtin ilgiri ukraina qoralliq qisimlirining emeliy ajizliqliridin paydilinishqa tirishidiken.
shoygu bayanatida, bu heriketning chasow yar, awdéwikaning gherbi qismi shundaqla donétsikning gherbi we gherbiy jenubini öz ichige alidighanliqini élan qildi.
19 - aprélda, rusiye armiyesi ukrainaning dnépropétrowiskiy rayonining qatnash ul eslihelirige küchlük zerbe bergen idi.
mutexessislerning qarishiche, kelgüsi bir nechche hepte ichide ukrainaning alaqe liniyesini üzüp tashlash üchün mushuninggha oxshash hujumlarning tekrarlinishi we kéngeytilishi mumkin iken.
rusiye fédérasiyesi herbiy qomandanliq orgini ukrainaning aldinqi septiki halqiliq rayonliridiki herbilerning mewjutliqi we arqa sep teminat imkaniyetlirini cheklik halgha chüshürüsh shundaqla amérikaning yardimi bilen teng ukraina armiyesining küchiyiishni kéchiktürüshni pilanlimaqta iken.
