london sheher bashliqi sadiq xan ghezze qirghinchiliqi heqqide jo baydin we rishi sunakqa xitab qildi
londonning musulman sheher bashliqi sadiq xan engiliye bash ministiri rishi sunak we amérika pirézidénti jo baydindin ghezzede éqiwatqan qanni toxtitish üchün öz nopuzlirini ishlitishni telep qildi.
türkiye awazi radiyosi xewiri: engiliyening paytexti londondiki dangliq trafalgar meydanida bu yil 19 – nöwetlik «meydanda héyt» paaliyiti ötküzüldi.
paaliyetning sahibxani shundaqla londonning musulman sheher bashliqi sadiq xan meydangha yighilghan minglighan kishilerge sözligen nutuqida: «bu ramizan, turmush tennerxining yuqiri bolushi, musulmanlargha öchmenlik qilish éqimi we ghezzede yüz bergen weyranchiliq sewebidin tolimu teste ötken bir ramizan boldi» dédi.
sadiq xan yene mundaq dédi:
«esirlerning qoyup bérilishini we éqiwatqan qanning toxtitishini xalaymiz, urush toxtitishni xalaymiz, israiliyege qoral sétip bérishni toxtitishni telep qilimiz. bash ministir risha sunak we pirézidént jo baydin bu ölümlerni toxtitish üchün öz tesir küchini ishqa salsun, deymiz»
