sholz: türkiye ezeldin muhim istratégiyelik shérik

türkiye awazi radiyosi xewiri: olaf sholz bélgiyening paytexti biryussélda chaqirilghan yawropa ittipaqi bashliqlar yighinidin kéyin ötküzgen muxbirlarni kütüwélish yighinida, gérmaniyeningmu teshebbus qilishi bilen, yighinida türkiye bilen bolghan munasiwetlerning muzakire qilinghanliqini bildürdi.

bashliqlar yighinida alaqini ilgiri sürüsh mesilisining etrapliq muhakime qilinghanliqini tilgha alghan sholz: «türkiye ezeldin murekkep, emma choqum muhim istratégiyelik shérik. bu nuqta, biz birlikte hel qilishqa tégishlik nurghun mesililer üchün küchke ige. shunga, biz kelgüsige nezer sélishimiz kérek. yaxshi hemkarliq her ikki terepning menpeetige uyghun» dédi.

gérmaniye bash ministiri buning tamozhna ittipaqini tereqqiy qildurush, zamaniwilashturush we özliri üchün muhim bolghan köchmenler mesilisidiki hemkarliqta küchke ige ikenlikini tekitlidi.

qibris mesilisini yaxshilash yolida qedem tashlashni qolgha keltürüshke tirishiwatqanliqini bildürgen sholz, shunga özlirining birleshken döletler teshkilati (b d t) rehberlikidiki muresse söhbitini janlandurushqa chaqirghanliqini we bu mesilining yighinda chongqur muzakire qilinghanliqini qeyt qildi.