шивейтсарийә украина тинчлиқ йиғиниға саһибханлиқ қилиду

түркийә авази радийоси хәвири: шивейтсарийә федератип һөкүмити йазма байанат елан қилип, украинаниң кәң даирилик, адил вә узақ муддәтлик тинчлиқиға капаләтлик қилиш үчүн, йуқири дәриҗилик рәһбәрләрниң иштирак қилиши билән <украина тинчлиқ йиғини> өткүзүлидиғанлиқини уқтурди.

«йиғин тинчлиқ мусаписигә башламчи болалайдиған зөрүр шараит һазирланди» дейилгән байанатта, йиғинниң мәқситиниң дөләтләр ара  <украинада тинчлиқ орнитиш> ортақ тонушини өстүрүш икәнлики қәйт қилинди.

йиғинниң ийунда шивейтсарийәниң бургенсток базирида өткүзүлүшиниң пиланланғанлиқи билдүрүлди.

шевитсарийә пайтәхти бернда дөләт ишлири зийаритидә болған украина пирезиденти виладимир зеленский 15-йанвар шивейтсарийә федератсийәси рәиси виола амхерд билән көрүшкән вә униң билән өткүзгән қошма мухбирларни күтүвелиш йиғинида сөз қилип, өзлириниң шивейтсарийә билән бирликтә тинчлиқ йиғини тәййарлиқлирини 16-йанварда башлайдиғанлиқлирини уқтурғаниди.

зеленский йиғинға пәқәт украинаниң земин пүтүнлүкини қоллайдиған дөләтләрниңла тәклип қилинидиғанлиқини, русийәниң сөһбәткә қатнашмайдиғанлиқини, хитайниң қатнишишини үмид қилидиғанлиқини әскәрткәниди.