isirailiye irangha we wakaletchilirige tehdit saldi
isirailiye bash ministiri nétanyahu irangha we iranning qollishi astidiki guruppilargha, «kim bizge ziyan salsa yaki ziyan sélishqa urunsa, bizmu uninggha ziyan salimiz» dep tehdit saldi.
türkiye awazi radiyosi xewiri: isirailiye bash ministirliq ishxanisi nétanyahuning bixeterlik kabénti yighinidin ilgiri bayanat élan qilghanliqini bildürdi.
nétanyahu iranning yillardin buyan biwaste yaki wakaletchiliri arqiliq isirailiyege qarshi heriket qilghanliqini tekitlep, «bu sewebtin, isirailiye iran we wakaletchilirige qarshi hujum qilidu» dédi.
isirailiye 1-aprél (2024) süriye paytexti demeshiqtiki iran elchixana binasigha hawadin hujum qilghan idi. hujumda, iran inqilabiy muhapizet qismining ikki généralini öz ichige alghan yette iranliq we alte süriyelik jénidin ayrilghan idi.
iran weqedin kéyin téz sürette öch alidighanliqini we buninggha amérikaning jawabkar ikenlikini élan qilghan idi. tél awiw bolsa, mezkur hujumning jawabkarliqini resmiy yosunda üstige almighan idi.
isirailiye armiyesi demeshiqtiki iran elchixana binasi hujumgha uchrighandin kéyin, «hawa mudapiesini kücheytish» üchün zapas eskerlerni wezipige chaqirghan we dem éliwatqan eskerlerning ruxsetlirini bikar qilghan idi.
