blinkén abbas bilen téléfonliship, pelestinde yéngi qurulghan ichki kabinét toghrisida sözleshti

türkiye awazi radiyosi xewiri: amérika tashqi ishlar ministirliqi bayanat élan qilip, ministir antoniy blinkénning pelestin dölet reisi mehmud abbas bilen téléfonliship, washingtonning pelestinde qurulghan yéngi kabinétni qarshi alidighanliqini hemde uning bilen hemkarliship xizmet qilishni ümid qilidighanliqini bildürgenlikini uqturdi.

yéngi kabinét bilen iyordan deryasining gherbiy qirghiqi we ghezzediki pelestin xelqige téximu yaxshi sharait hazirlap bérish yolida téximu küchlük tirishchanliq körsetkili bolidighanliqini bildürgen blinkén, tézdin ghezzediki esirlerni qoyup bérip, urush toxtitishni kapaletke ige qilish kéreklikini, mushundaq qilghanda, rayongha téximu téz sürette insanperwerlik yardem eshyalirini yetküzgili bolidighanliqini otturigha qoydi.

u yene, israiliye bixeterlik kapalitige érishken ehwalda, özlirining musteqil pelestin dölitining qurulushi nishanida ching turidighanliqlirini qayta tekitlidi.