blinkén: daésh yenila heqiqiy tehdit
amérika tashqi ishlar ministiri antoniy blinkén daésh térrorluq teshkilatining «yenila heqiqiy tehdit» ikenlikini ilgiri sürdi.
türkiye awazi radiyosi xewiri: ministir antoniy blinkén paytext washingtonda iraqning muawin bash ministiri, qoshumche tashqi ishlar ministiri fuad hüseyin bilen körüshkendin kéyin, taratqulargha bayanat berdi؛ u iraqning rayonning muqimliqi üchün «intayin muhim dölet» ikenlikini tekitligendin kéyin: «shuni untup qalmasliqimiz kérekki, daésh yenila heqiqiy tehdit» dédi.
«bu tehditke taqabil turush we uni körünerlik azaytish üchün yillardin buyan nurghun yaxshi xizmetlerni qilghan bolsaq, bir qanche kün ilgiri rusiyede yüz bergen dehshetlik hujum, daéshning yoshurun küchini saqlap qalghanliqini xatiriletti» dégen blinkén, jüme küni moskwadiki hujumda hayatidin ayrilghanlar üchün «matem tutuwatqanliqi»ni bildürdi.
ministir antoniy blinkén sözini dawamlashturup: «bu daéshqa qarshi küreshni dawamlashturushimiz we uning qaytidin bash kötürmeslikige kapaletlik qilishimiz kérekliki toghrisidiki kishini tolimu epsuslanduridighan bir eskertish» dégenlerni qeyt qildi.
iraq muawin bash ministiri, qoshumche tashqi ishlar ministiri hüseyin, rusiyediki hujumni eyiblep, dölitining bu térrorluq teshkilatigha qarshi élip barghan kürishige isharet qilip ötti.
