pakistanda bombiliq hujum yüz bérip, 5 xitay bilen 1 pakistanliq öldi
pakistanning xeyber paxtonxwa ölkisining shangla rayonida yüz bergen bomba hujumida 5 nepiri xitay bolup jemiy alte kishining ölgenliki bildürüldi.
türkiye awazi radiyosi xewiri: shanglada wezipe ötewatqan saqchi xadimi baxat zahir hujumning partlatquch qachilanghan mashinining bashqa bir mashinigha soqulushi netijiside yüz bergenlikini؛ weqede hujumgha uchrighan mashinidiki besh xitay bilen ularning shopurining ölgenlikini bildürdi.
yene bir tereptin, bir pakistan eskiri qoralliq unsurlarning baluchistan ölkisidiki déngiz armiye bazisigha hujum qilishqa urunushidin kéyin yüz bergen toqunushta hayatidin ayrildi.
«dawn» gézitining xewirige qarighanda, pakistan quruqluq armiyesi ammiwi munasiwet bölümi yazma bayanat élan qilip, qoralliq unsurlarning baluchistanning turbat rayonidiki déngiz armiye bazisigha hujum qilishqa urunghanliqini, weqedin kéyin neq meydangha yétip kelgen bixeterlik qisimliri bilen térrorchilar otturisida toqunush yüz bergenlikini bildürdi.
bayanatta, toqunushta bir eskerning hayatidin ayrilghanliqi, töt hujumchining öltürülgenliki, bixeterlik qisimlirining hujumchilarning singip kirish urunushining aldini alghanliqi qeyt qilindi.
yene bir tereptin, bölgünchi baluchistan azadliq armiyesi yerlik taratqulargha bayanat bérip, hujumning jawabkarliqini üstige aldi.
