nétanyahu shunche naraziliqlargha pisent qilmastin, refahqa hujum qilish tersaliqini dawamlashturmaqta
israiliye bash ministiri bényamin nétanyahu ghezzening jenubidiki 1 milyon 500 ming pelestinlik panahlanghan refah shehirige quruqluqtin hujum qilish mumkinchiliki toghrisida toxtilip: «biz refahqa kirimiz we konkrét ghelibini qolgha keltürimiz» dédi.
türkiye awazi radiyosi xewiri: bényamin nétanyahu yehudiyliq étiqadidiki purim bayrimi munasiwiti bilen bir saqchixanini ziyaret qildi.
nitaniyahu tewrat étiqadigha asasen yehudiylarning purim bayrimida meghlub qilghan iran padishahi ahashwérushning weziri hamanni ima qilghan halda, ghezze rayonidiki hamasning rehbiri yehya sinwarni yoqitidighanliqini éytti.
bash ministir nétaniyahu zamaniwi iranning yehudiylarning dölitini yoqitishqa uruniwatqanliqini tekitlidi.
nétaniyahu xelqara jemiyetning naraziliqigha qarimastin, ghezzening jenubidiki refahqa qarita bashlinishi mölcherliniwatqan hujum heqqide toxtilip: «biz refahqa kirimiz we konkrét ghelibini qolgha keltürimiz» dédi.
nétaniyahu 22-martta tél awiwni ziyaret qilghan amérika tashqi ishlar ministiri antoni blinkén bilen körüshkendin kéyin, isirailiyening ghezzening jenubidiki refahqa kirmey turup hamasqa qarshi ghelibe qilalmaydighanliqini, hemde buni amérikaning yardimigha tayinip emelge ashurushni ümid qilidighanliqini, emma mejbur qalghan ehwalda özi yalghuz bolsimu bu heriketni qilidighanliqini éytqan idi.
