antoniy blinkén moskwada konsért zaligha qilinghan térrorluq hujumini qattiq eyiblidi

türkiye awazi radiyosi xewiri: antoniy blinkén yazma bayanatida hujumda qaza qilghanlarning yéqinlirigha teziye téleklirini yollap: «her xildiki térrorluqni eyibleymiz we bu dehshetlik weqege qayghuriwatqan rusiye xelqi bilen hemkarliq ichide ikenlikimizni bildürimiz» dédi.

blinkén amérikaning moskwadiki ejellik térrorluq hujumini küchlük eyibleydighanliqini tekitlidi.

rusiyening paytexti moskwadiki krokus sheherlik hökümet konsért zalida 22-mart kechte qoralliq kishiler teripidin térrorluq hujumi élip bérilghan idi.

hujum qilghuchilar aptomatik qorallar bilen zaldikilerni qalaymiqan oqqa tutqan idi.  

konsért zali jaylashqan binaning ögziside ot apiti yüz bérip, qisqighine waqittin kéyin ögze örülüp chüshken idi.

rusiye dairiliri hujumda 133 kishining qaza qilghanliqini élan qilghan we weqede 100 din artuq kishining yarilanghanliqini bildürgen idi.

térorluq teshkilati daésh hujumning jawabkarliqini öz üstige alghan idi.

hujumni teshkilligen 4 térrorchinimu öz ichige alghan 11 kishining qolgha élinghanliqi élan qilindi.