amérikada waqitliq xamchot testiqlandi
amérika pirézidénti jo baydin xamchot qanun layihisini testiqlidi. yérim kün taqalghan dölet organliri qaytidin échildi.
türkiye awazi radiyosi xewiri: amérika palatasining her ikki qaniti teng testiqlighan 1 tirilyon 200 milyon dollarliq xamchot resmiy yolgha qoyuldi.
baydin bu xamchotning amérikaliqlarning kelgüsige meblegh sélish ikenlikini, iqtisad we dölet bixeterlikini kücheytidighanliqini éytti.
gerche xamchot qobul qilinghan bolsimu, emma jumhuriyetchiler partiyesi chégra bixeterlikige ajritilghan mebleghtin razi bolmidi.
baydinmu qoshumche qanunlar bilen chégra bixeterlik tedbirlirini muzakirilishish kéreklikini éytti.
sabiq pirézidént donald trampni qollaydighan jumhuriyetchiler partiyesi «dölet qerzi 35 tirilyon dollargha yetken amérikada bundaq chong xamchot kelgüsi üchün yaxshi emes» dégen qarashlirini bildürmekte.
1 tirilyon 200 milyard dollarliq waqitliq xamchotta yene, israiliye üchünmu 3 milyard 800 milyon dollarliq mudapie yardem yürüshlük pulining barliqi hemmining diqqitini tartmaqta.