dunya musulman ölimalar birleshmisi: hujumning islam bilen alaqisi yoq
dunya musulman ölimalar birleshmisi rusiyening paytexti moskwada yüz bergen térrorluq hujumini eyiblep, hujumning islam bilen munasiwitining yoqluqini tekitlidi.
türkiye awazi radiyosi xewiri: dunya musulman ölimalar birleshmisi bash katipi eli qaradaghi ijtimaiy taratqudiki adrésida bayanat élan qilip, özlirining moskwadiki hujumni qattiq eyibleydighanliqini bildürdi we sözini dawamlashturup: «bu térrorluq herikitining islam bilen munasiwiti yoq, ular islamgha wekillik qilidighanliqlirini dawrang qilishsimu, ular islamni emes, belki rayon we xelqaraliq istixbarat jasuslirigha wekillik qilidu» dégenlerni qeyt qildi.
hujumning israiliye ghezzediki hujumlirini kücheytken mezgilge toghra kelgenlikini otturigha qoyghan qaradaghi, moskwadiki hujumning zionistlarning ghezzede sadir qilghan jinayetlirini nezerdin saqit qilghuzup, her qaysi tereplerning diqqitini ghezzedin bashqa yaqqa burashni meqset qilghanliqini eskertti.
tünügün qoralliq kishiler rusiyening paytexti moskwadiki krokus sheherlik hökümet konsért zaligha hujum qilip, 40 kishining ölümi, 60 nepirining yarilinish ehwali éghir bolup, jemiy 115 kishining yarilanghanliqini bildürgenidi.
rusiye tekshürüsh komitéti bolsa, moskwadiki térrorluq hujumida 60 din artuq kishining qaza qilghanliqini we qaza qilghanlar sanining éshishining mumkinlikini uqturdi.
