боливийәдә кәлкүн апити сәвәбидин 52 киши қаза қилди
боливийәдә йеқинқи 3 ай ичидә йағқан қаттиқ йамғур сәвәбидин кәлкүн апити йүз берп, 52 киши қаза қилди.
түркийә авази радийоси хәвири: дөләт таратқулириниң хәвәрлиригә асасланғанда, болупму ла паз қатарлиқ нурғун шәһәрләргә еғир тәсир көрсәткән йамғур нурғун кишиләрниң өлүмигә вә маддий зийанға учришиға сәвәб болған.
боливийәдә йил бешидин буйан йамғур пәсли башланған болуп, 3 ай ичидә 52 киши қаза қилип, 5 киши йоқап кәтти.
һөкүмәт тәрипидин елан қилинған байанатта, қаттиқ йамғурниң 133 йезида кәлкүнгә сәвәб болғанлиқи вә 51 миң 668 кишиниң апәтниң тәсиригә учриғанлиқи билдүрүлди.
911 өйниң өрүлүп чүшкәнлики, 1251 өйниң қисмән бузулғанлиқи вә йамғур сәвәбидин бәзи районларда «қизил агаһландуруш» елан қилинғанлиқи оттуриға қойулди
مۇناسىۋەتلىك خەۋەرلەر
афғанистандики кәлкүн апитидә 50 адәм өлди
афғанистанниң охшимиған районлирида йүз бәргән кәлкүн апитидә кәм дегәндә 50 адәм һайатидин айрилди.