tajani: ukrainagha esker ewetishning 3-dunya urushini keltürüp chiqirish xewpi bar
italiyening muawin bash ministiri, qoshumche tashqi ishlar ministiri antoniyo tajani shimaliy atlantik ehdi teshkilati — nato eskerlirini ukrainagha ewetishning 3-dunya urushini keltürüp chiqirish xewpi barliqini éytti.
türkiye awazi radiyosi xewiri: tajani wéronadiki bir paaliyette soallargha jawab bérip, firansiye prézidénti émmanuél makronning ukrainagha esker ewetish mumkinchiliki heqqidiki sözi toghrisida toxtilip: «méningche, nato ukrainagha kirmesliki kérek. men bundaq bir ishning yüz bermeslikini ümid qilimen. u yerge bérip rusiye bilen urush qilish üchinchi dunya urushining yüz bérish xewpidin dérek béridu» dédi.
tajani özlirining rusiye bilen urushmaywatqanliqini tekitlep: «biz xelqara qanun we ukrainaning erkinlikini yaqlawatimiz, emma biz rusiye bilen urush qilmaywatimiz. biz kiyéwgha her xil herbiy, iqtisadiy we téxnikiliq qorallarni bériwatimiz, emma urushqa qatnishish manga nisbeten bir xataliqtek biliniwatidu we barliq italiyelikler buni xalimaydu» dédi.
u yene, italiye eskerlirining ukrainagha bérishining mumkin emeslikini qayta tekitlep, italiye armiyesining qizil déngizda soda paraxotlirini qoghdash jehette hemde liwan, iraq we afriqada yaxshi ishlarni qilip, tinchliq saqlawatqanliqini bildürdi.
