éstoniye ukrainagha esker ewetmeydighanliqigha kapaletlik qilalmaydighanliqini bildürdi
éstoniye bash ministiri kaja kallas ukrainagha esker ewetishni ret qilishqa kapaletlik qilalmaydighanliqini éytti.
türkiye awazi radiyosi xewiri: kallas hökümetning parlamént ezalirigha doklat bérish yighinida soallargha jawab berdi؛ u bu dairide, firansiye pirézidénti émmanuél makronning yawropa ittipaqi döletliridin ukrainagha esker ewetish toghrisidiki sözliri heqqidimu toxtaldi.
bash ministir kallas ekre (EKRE) guruhi wekillirining hökümettin ukrainagha esker ewetilmeslikige kapaletlik qilish toghrisidiki telipige inkas qayturup, bu xil qararlarni birla kishining chiqirish hoquqi yoqluqini éytti.
«dölet sirtigha esker ewetish üchün parlaméntning resmiy ruxsitini élish shert, démek, bu qararni chiqiridighanlar del özünglar... méning öz aldimgha bundaq bir qarar chiqirish salahiyitim yoq shundaqla bu qarar silerdin bixewer chiqirilmaydu» dégen bash ministir kallas, éstoniye mudapie qisimlirining nöwettiki ehwalida birer özgirish bolsa, ularning ukraina urushigha ewetilmeydighanliqigha kapaletlik qilalmaydighanliqini qeyt qildi.
u yene: «weziyet özgirishi mumkin, siz arilishish dep chüshendürgen nerse bashqa menidin dérek bérip qélishimu mumkin. hetta bizning hazir ukrainagha qilghan herbiy yardimimizmu<arilishish> dep teswirlinishi mumkin. biz ukrainaning ghelibe qilishini,rusiyening meghlup bolup, chégrasigha chékinishini ümid qilimiz.biz ukrainani qollashtiki meydanimizni éniq belgiliduq, chünki rusiye bizge biwasite tehdit élip kélidu» dégenlerni sözlirige ilawe qildi.
