rusiye engliye bilen tüzgen béliqchiliq kélishimini bikar qildi

türkiye awazi radiyosi xewiri: rusiye pirézidénti wiladimir putin teripidin imzalanghan permanning rohigha asasen, engliye béliqchilirining rusiyening barénts déngiz tewelikide béliq tutushi cheklendi.

1956-yili engliye bilen sowét ittipaqi otturisida imzalanghan kélishimge asasen, engliye béliqchiliq kémiliri barént déngizining bezi rayonlirida béliq tutalaytti.

bu kélishim sowét ittipaqi yimirilgendin kéyinmu rusiye bilen engliye otturisida dawamliq küchke ige bolghanidi.

rusiye parlaméntining töwen palatasi—duma bayanatchisi wyachéslaw wolodin ötken ayda bayanat élan qilip, engilyeliklerning 68 yildin buyan rusiye béliqini yep kéliwatqanliqini eskertkendin kéyin, sözini dawamlashturup: «ularning oruqlap, eqlini tapidighan peyti (keldi)» dégenidi.