israiliye qisimlirining liwanning jenubidiki bir bazargha qilghan hujumda 5 kishi qaza qildi
liwan resmiy xewer agéntliqi NNA ning xewer qilishiche, israiliye qisimliri chégra rayonigha jaylashqan xirbet essilim yézisigha qarashliq eyn mehelliside hawadin quruqluqqa étilidighan bashqurulidighan bomba bilen bir öyge hujum qilghan.
2113286
türkiye awazi radiyosi xewiri: hujumda töt kishi oxshash ailidin, dada, hamildar ayal we ikki kichik baladin bashqa yene bir kishiningmu qaza qilghanliqi uqturuldi.
hujumda 9 kishining yarilanghanliqi we yéqin etraptiki doxturxanilarda balnéstqa élinghanliqi bildürüldi.
israiliye hujum qilghan öyning pütünley weyran bolghanliqi we etraptiki nurghun öylerningmu ziyangha uchrighanliqi eskertildi.
israiliye qisimlirining 2023-yili 8- öktebirdin buyan liwanning jenubigha qilghan hujumlirida qaza qilghan puqralarning sani 51 ke yetti. toqunushlarda 236 hizbullah ezasi, 11 amal herikiti ezasi, 12 hamas ezasi, 12 islamiy jihad herikiti ezasi, 6 israiliye puqrasi we 11 israiliye eskiri qaza qildi.
