erméniye kzartnots ayrodurumidiki rusiye qismilirini chiqiriwétishni qarar qildi
erméniye hökümiti paytext eriwandiki zwartnots xelqara ayrodurumida turuwatqan rusiye chégra mudapie qoghdighuchilirining wezipisini axirlashturushni qarar qildi.
türkiye awazi radiyosi xewiri: erméniyening resmiy xewer agéntliqi «ermeniprés» ning xewirige qarighanda, dölet bixeterlik kéngishi katipi armén girigoryan dölet mejliside ötküzülgen yighindin kéyin bayanat élan qilghan.
girigoriyan erméniye hökümitining ayrodurumdiki barliq ishlarni pütünley erméniyeliklerning qilishini qarar qilghanliqini bildürüp: «erméniyening bu mesilidiki meydani éniq bolup, bu éniq meydanni rusiye fédératsiyesige resmiy mektup arqiliq uqturdi. erméniyening pozitsiyesi zwartnots xelqara ayrodurumidiki xizmetlerning erméniye chégra mudapie qisimliri teripidin qilinishi kéreklikidur» dédi.
erméniye dölet mejlisi bashliqi alén simonyan 27-féwral rusiye chégra qoghdighuchilirining zwartnots xelqara ayrodurumidin chiqiriwétilishini toghra dep qaraydighanliqini élan qilghanidi.
rusiye pirézidéntliq mehkimisi — kirémil bayanatchisi dimitriy péskow, erméniye hökümitining bu qarari toghrisida moskwagha hazirghiche héchqandaq uchur yétip kelmigenlikini bildürgenidi.
