никки халей сайламдин чекинди

түркийә авази радийоси хәвири: җумһурийәтчиләрниң намзат кандидати никки халей «бүйүк сәйшәнбә» дәп атлидиған дәсләпки сайламларда, сабиқ пирезидент доналд трамп зор пәрқ билән ғәлибә қилғандин кейин, сайламдин чекингәнликини елан қилди.

американиң б д т дики сабиқ даимий вәкили никки халей җәнубий каролинада өткүзүлгән ахбарат елан қилиш йиғинида, «улуғ дөлитимизниң һәр қайси җайлирида қоллашқа еришкәнликимиздин интайин миннәтдармән. әмма, сайлам сәпәрвәрлик паалийитимни тохтитишниң вақти йетип кәлди» деди.

никки халей сәйшәнбә күни (5-март) 15 иштатта өткүзүлгән «бүйүк сәйшәнбә» сайламлирида, вермонт иштатидила ғәлибә қилди, қалған иштатларниң һәммисидә рәқиби сабиқ пирезидент трампқа уттуруп қойди.