biraziliye pirézidénti ghezzeni qollap pelestin bayriqini achti

türkiye awazi radiyosi xewiri: biraziliyede ötküzülgen 4-nöwetlik memliketlik medeniyet yighinining échilish murasimigha qatnashqan lula da silwa pelestinni qollaydighanliqini qayta tekitlidi.

pirézidént lula da silwa yighinda pelestin bayriqini kötürgen halda: «yéqinda pelestinde yüz bergen ishlarni otturigha qoyghanliqim üchün nurghun tenqidlerge uchridim. waqit méning toghra ikenlikimni körsitidu. pelestin xelqi shereplik hayat we öz dölitini qurush hoquqigha ige» dédi.

lula da silwa israiliyening ghezzede insanperwerlik yardimini saqlawatqan pelestinliklerni bombardiman qilghanliqini eskertip, buning israiliyening 7 - öktebir (2023) din buyan ghezzege qilghan «eng ejellik» hujumliridin biri bolghanliqini tekitlidi.

lula da silwa 2 - mart (2024) saynt winsént we grénadinada ötküzülgen latin amérika we karib déngizi döletliri birleshmisi (CELAC) bashliqlar yighinidimu: «xelqara jemiyetning perwasizliqi otturida turuptu. (ghezzede) insanlar hazir yémeklik almaqchi bolghan öchrettimu öltürülmekte» dégen idi.