türkiye diplomatiye tori eng keng üchinchi dölet boldi

türkiye awazi radiyosi xewiri: awstraliyening lowiy instituti dunyadiki «eng muhim» diplomatik torlarni éniqlap chiqish meqsitide, asiya, 20 dölet guruhi we iqtisadiy hemkarliq we tereqqiyat teshkilatigha eza  66 dölet ning sanliq melumatlirini tekshürüsh asasida teyyarlighan «yershari diplomatiye körsetküchi» namliq doklatini élan qildi.

doklatni teyyarlashta, 2023-yili 7-aydin 11-ayghiche bolghan ariliqta 66 dölet we rayonning resmiy organliridin érishilgen sanliq melumatlarning ishlitilgenliki qeyt qilindi.

döletler we rayonlar chet ellerdiki wakaletxanilirining sanigha asasen retke tizildi. buninggha asasen, diplomatik tori eng keng dölet xitay, uningdin qalsa amérika qoshma ishtatliri iken.

doklatqa asaslanghanda, dunyaning herqaysi jaylirida 252 chet el wakaletxanisi bolghan türkiye eng keng diplomatik tor ret tertipide üchinchi rettin orun alghan.

türkiyening 2021-yilidin buyan asasliqi ottura sherq we afriqada bolup chet ellerde jemiy 11 elchixana we konsulxana achqanliqigha isharet qilinghan doklatta, bularning chet el wekiller ömiki achqanliqi we döletning diplomatik torining texminen %40 ining yawropagha jaylashqanliqi eskertildi.

doklatta, tertipi boyiche xitay, amérika we türkiye, yaponiye, firansiye, rusiye, engliye, gérmaniye, italiye we biraziliye qatarliq 10 dölet aldinqi 10 ning ichige kirgen.

diplomatik menbelerge qarighanda, türkiyening 2002-yili 163 bolghan chet ellerdiki aktip elchixana-konsulxa sani 2024-yiligha kelgende 261 ge yetken.