lawrow antalyada échilidighan «diplomatiye munbiri»ge qatnishidu
rusiye tashqi ishlar ministiri sérgéy lawrow 1-marttin 3-martqiche dawam qilidighan 3-nöwetlik antalya diplomatiye munbirige ishtirak qilidu.
türkiye awazi radiyosi xewiri: rusiye tashqi ishlar ministirliqi bayanatchisi mariya zaxarowa paytext moskwada ötküzülgen heptilik muxbirlarni kütüwélish yighinida, ministir lawrowning pirogrammisi heqqide melumat berdi.
lawrowning türkiyeni ziyaret qilidighanliqini bildürgen zaxarowa: «lawrow tashqi ishlar ministirining teklipige binaen 1-, 2-mart künliri türkiyeni ziyaret qilip, antalyada ötküzülidighan diplomatiye munbirige qatnishidu. lawrowning yene türkiyelik mensepdishi (xaqan fidan) bilen körüshüshimu pilanlanmaqta» dédi.
u ikki ministirning türkiye bilen rusiyening énérgiye, bixeterlik, banka we sayahet qatarliq sahelerdiki hemkarliqi؛ ukraina, jenubiy kawkaz we pelestin, süriye we liwiye qatarliq mesililer toghrisida söhbetlishidighanliqini sözlirige ilawe qildi.
