borrél yawropani ukrainaning küchini ashurushqa wede bérishke chaqirdi
yawropa ittipaqi tashqi munasiwetler we bixeterlik siyasiti aliy wekili josép borrél ikkinchi yilini toshquzghan ukraina-rusiye urushi dawamlishiwatqan waqitta, moskwa bilen bolghan munasiwetlerde uzungha sozulghan «jiddiylik dewri»ge teyyarlinishqa chaqirdi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili josép borrél ispaniyede chiqidighan «idéal» (Ideal) gézitide maqale élan qilip, yawropa ittipaqini rusiye bilen urushuwatqan ukrainaning berdashliq bérish küchini pütün sepler boyiche ashurush üchün kiyéwgha «bixeterlik wedisi» bérishke chaqirdi.
u: «ukrainaning yawropa ittipaqigha eza bolsa eng yaxshi. ukrainaning berdashliq bérish küchini pütün sepler boyiche ashurush üchün bixeterlik wedisi béringlar. natogha eza bolghan bashqa qoshnilirini siyasiy we herbiy jehettin qutratquluq qilalaydighan rusiye bilen bolghan munasiwetlerde, uzungha sozulghan <jiddiylik> dewrige teyyarliq qilishimiz kérek. yawropa ittipaqining herbiy tirishchanliqliri izchil bolushi kérek. buningdin bashqa, amérikaning yawropa xewpsizlikige qatnishishining kelgüside özgirishi mumkinlikinimu nezerde tutush kérek.»
