بۇركىنا فاسودا بىر يېزا چېركاۋى ھۇجۇمغا ئۇچرىدى

تۈركىيە ئاۋازى رادىيوسى خەۋىرى: بۇركىنا فاسودىكى دورى كاتولىك چېركاۋى يازما بايانات ئېلان قىلىپ، سېنو ئىشتاتىغا جايلاشقان ئېسساكانې يېزىسىدىكى چېركاۋدا ئۆتكۈزۈلگەن يەكشەنبىلىك مۇراسىم جەريانىدا، كىملىكى نامەلۇم قوراللىق كىشىلەرنىڭ قوراللىق ھۇجۇم پەيدا قىلغانلىقىنى بىلدۈردى.

باياناتتا، ھۇجۇمدا 15 كىشىنىڭ جېنىدىن ئايرىلغانلىقى، ئىككى كىشىنىڭ يارىلانغانلىقى ئەسكەرتىلدى.

بۇركىنا فاسودا 2015-يىلى يۇقىرى پەللىگە چىققان بىخەتەرلىك كىرىزىسى سەۋەبىدىن 2 مىليوندىن ئارتۇق كىشى يۇرت-ماكانلىرىدىن ئايرىلىشقا مەجبۇر بولغان ئىدى. ھۆكۈمەتنىڭ مەلۇماتلىرىغا ئاساسلانغاندا، بۇ كىشىلەردىن پەقەت 120 مىڭى يۇرتلىرىغا قايتالىغان ئىدى.

باش مىنىستىرئاپوللىنايرې جوچېمسون كيېلېم دېتامبېلا ئۆتكەن يىلى (2023) قىلغان بىر قېتىملىق سۆزىدە، دۆلەت زېمىنىنىڭ %65 نىڭ دۆلەتنىڭ كونتروللۇقىدا ئىكەنلىكىنى بىلدۈرگەن ئىدى.