maduro fidan bilen ötküzgen söhbitige «qaltis» dep baha berdi

türkiye awazi radiyosi xewiri: maduro ijtimaiy taratqu supisi «X» tiki adrésida ministir fidan bilen chüshken süretlirini hembehrilep: «türkiye tashqi ishlar ministiri bilen qaltis bir yighin (ötküzduq) qérindash türkiye xelqi bilen qoyuq hemkarliq mesilisi, konkért kélishimler we xelqlirimizning ortaq bayashatliqini merkez qilghan küchlük dostluqimizni mustehkemlewatimiz. biz bu yolni birlikte dawamlashturimiz» dédi.

paytext karakastiki pirézidéntliq mehkimiside ötküzülgen söhbetke wénézuéla tashqi ishlar ministiri ywan gil we türkiyening karakasta turushluq bash elchisi aydan qaramanoghlumu qatnashti.

wénézuéla tashqi ishlar ministiri gilmu ijtimaiy taratqu supisi «X» tiki adrésida ministir fidanning ayropilandin chüshkendiki süritini hembehrilep: «latin amérikasi we karib döletliride tunji qétim ziyarette boluwatqan türkiye jumhuriyiti tashqi ishlar ministiri xaqan fidanni qizghin qarshi alimiz. ziyaritingiz ikki dölet küntertipi we nöwettiki xelqara weziyetni muhakime qilish jehette intayin muhim» dédi.

wénézuéla pirézidéntliq mehkimisi metbuat ishliri ishxanisining bu heqtiki bayanatida, ikki dölet otturisidiki uzun yillardin buyan dawam qiliwatqan «yaxshi munasiwetlerge isharet qilinip, türkiye jumhuriyiti jumhur reisi rejep tayyip erdoghan bilen pirézidént nikolas maduroning karakas bilen enqere otturisidiki dostluqni delilligenliki qeyt qilindi.

türkiye bilen wénézuéla otturisida oxshimighan saheler boyiche 40 nechche hemkarliq kélishimining imzalanghanliqi tekitlengen bayanatta, türkiye jumhuriyiti énérgiye we tebiiy bayliq ministiri alparslan bayraqtarningmu yéqinda wénézuélani ziyaret qilghanliqi eskertip ötüldi.