pakistandiki  saylamlarning gheyriy resmiy netijiliri kélishke bashlidi

türkiye awazi radiyosi xewiri: pakistanda 8 - féwralda omumiy saylam ötküzülgen bolup, saylighuchilar pakistan dölet parlaménti we ölkilik parlaménti ezalirini belgilesh üchün bélet tashlighan idi.

dölet parlaméntidiki 266 orunduq üchün 5121 namzat, we 4 ölkilik parlaménttiki 593 orunduq üchün 12 ming 695 namzat riqabetleshken idi.

resmiy bolmighan netijilerge asaslanghanda, türmidiki sabiq bash ministir imran xanning partiyesi bolghan «pakistan edalet herikiti»  dölet parlaméntida 98 orunduqqa érishken.

sabiq bash ministir nawaz sherif bashchiliqidiki «pakistan musulmanlar birleshmisi-nawaz» 71 orunduqqa, bilawal butto zerdari rehberlikidiki «pakistan xelq partiyesi» 53 orunduqqa érishken.

emma partiyelerning érishken orunduq sani, yalghuz hökümet teshkillesh üchün telep qilinidighan 133 ke yetmigen. bu ehwalda héchqandaq bir partiyening yalghuz hökümet quralmaydighanliqi otturigha chiqqan.

bununggha qarita nawaz sherif bilen butto zerdari özlirining dölet parlaménti we penjap ölkilik parlaméntida ittipaq qurghanliqlirini jakarlighan.