ukrainada pirézidéntliq saylimi kéchiktürüldi
ukraina parlaménti 6-féwral (2024) rusiyening ishghali dawamlishiwatqanliqi üchün pirézidént wolodimir zélénskiyning dölet ichide yürgüzülüwatqan jiddiy haletning mudditini uzartish qararini testiqlidi.
2098943
türkiye awazi radiyosi xewiri: ukraina parlaméntida 2022-yili 24-féwral yolgha qoyulghan jiddiy haletning mudditini uzartish qanun teklipi awazgha qoyuldi. qanun teklipi 335 awazning qollishi bilen maqullandi.
ukrainadiki siyasiy partiyeler urush sewebidin jiddiy haletni bikar qilishni qollimidi. jiddiy halet mudditining uzartilishi, mart éyida ötküzülidighan pirézidéntliq saylimini kéchiktürüsh menisini bildüridu. buning bilen, besh yilliq wezipe ötesh mudditi may éyi (2024) da toshidighan pirézidént wolodimir zélénskiyning wezipisi aptomatik uzartilidu. ukraina qanunliri boyiche, saylamlar jiddiy halet axirlashqanda ötküzülidu.
ukraina parlaménti kéler hepte seperwerlik qanun teklipini muzakire qilidu.
