baydin yehudiylargha émbargo yürgüzüsh qanun teklipini testiqlidi
amérika pirézidénti jo baydin ishghal astidiki gherbiy qirghaqta pelestinliklerge zorawanliq qilghan ashqun yehudiy köchmenlerge émbargo yürgüzüsh teklip qilinghan qanun layihesini imzalidi.
türkiye awazi radiyosi xewiri: aqsaray pirézidént jo baydinning gherbiy qirghaqta xewpsizlikke ziyan salghan ashqun yehudiy köchmenlerge émbargo yürgüzüsh qanun teklipini imzalighanliqi toghrisida bayanat élan qildi.
bayanatta, buning bilen, gherbiy qirghaqta pelestinliklerge zorawanliq qilghan ashqun yehudiy köchmenler amérika hökümitining émbargosigha duch kélidu. émbargogha ismi kirgüzülgen kishiler, amérika pul-muamile sistémisidin paydilinalmaydu, amérika wizisi alalmaydu, amérikadiki mal-mülükliri tonglitilidu we amérikaliqlar bilen soda qilishi cheklinidu.
pirézidént baydin mezkur qanun teklipi toghrisida toxtilip, gherbiy qirghaqta xewpsizlik we muqimliqning ziyangha uchrimasliqi üchün bu qedemni basqanliqlirini, pelestinliklerge zorawanliq qilishni qobul qilghili bolmaydighanliqini tekitlidi.
aqsarayning nam-sheripini ashkarilashni xalimighan bir emeldari qanun teklipi ramkisida hazirdin bashlapla töt kishining émbargo tizimlikige kirgüzülgenlikini bildürdi.
ishghal astidiki gherbiy qirgheaq we sherqiy quddusta 7-öktebir (2023) din buyan isirailiye eskerliri bilen yehudiy köchmenlirining zorawanliqlirida, eng az dégende 381 pelestinlik jénidin ayrildi.
