amérika üch eskiri jénidin ayrlghan hujumgha jawab qayturidighanliqini élan qildi
amérika süriye-iyordanye chégrasidiki herbiy bazida üch esker jénidin ayrilghan hujum sewebidin iran bilen urush qilishni oylashmighanliqini bildürdi.
türkiye awazi radiyosi xewiri: aqsaray dölet xewpsizlik kéngishi istratégiyelik uchur-alaqe kordinatori jon kirbi kündilik axbarat élan qilish yighinida, amérika herbiy bazisi hujumgha uchrighandin kéyinki özgirishler toghrisida melumat berdi.
u pirézidént baydinning bu hujumgha «muwapiq jawab qayturush» iradisining qetiy ikenlikini bildürüp, «iran bilen urush qilmaymiz, iran hakimiyiti bilen herbiy jehette toqunushmaymiz» dédi.
u rayonda jiddiychilikni ulghaytish niyetlirining yoqluqini eskertip, hepte axiri yüz bergen hujumning jiddiychilikni kücheytidighan hujum ikenlikini, buninggha jawab qayturush kéreklikini qeyt qildi.
u hujumgha qandaq jawab qayturidighanliqliri, orni we waqti toghrisidiki barliq tepsilatlarning özliride teyyar ikenlikini, emelge ashurulghanda köpchilikning köridighanliqini bildürdi.
tashqi ishlar ministiri antoni blinkénmu nato bash katipi stolténbérg bilen washingtonda ötküzgen axbarat élan qilish yighinida mezkur hujum üstide toxtilip: «biz u hujumgha jawab qayturimiz, jawabimiz köp qatlamliq, basquchluq we uzun muddetlik bolidu» dédi.
pirézidént jo baydin 28-yanwar (2024): «iyordaniyening sherqiy shimalida, süriye chégrasi etrapigha orunlashqan eskerlirimizge uchqu bilen qilinghan hujumda, üch eskirimiz jénidin ayrildi, nurghun eskerlirimiz yarilandi» dégen idi.
