albaniyede «albaniye-türkiye axbarat munbiri» yighini ötküzüldi

türkiye awazi radiyosi xewiri: paytext tirandiki bir méhmanxanida ötküzülgen munber yighinida türkiyening tiranda turushluq bash elchisi tayyar kayan atay nutuq sözlidi we ikki dölet otturisidiki diplomatik munasiwetlerning 100 yildin buyan dawamlishiwatqanliqini tekitlep, «biz albaniye bilen diplomatik munasiwette ikkinchi esirge qedem qoyduq we buni 2021-yili istratégiyelik shériklik sewiyesige kötürduq. 2022-yili 1 milyard dollarliq soda omumiy sommisini ashurup orunliduq, hazir bizning meqsitimiz soda omumiy sommisini 2 milyard dollargha yetküzüsh» dédi.

tayyar kayan atay türkiye hemkarliq we maslashturush orgini (TIKA) ning layihesi bilen albaniyediki ortaq medeniyet miraslirini eslige keltürgenlikini bildürüp, 200 din artuq alban oqughuchining türkiye oqush mukapat puli dairiside türkiyede oqughanliqini we maarip fondi jemiyitining dunyadiki birdinbir uniwérsitétining albaniyede ikenlikini tilgha aldi.

bash elchi atay türkiyening albaniyening tebiiy ittipaqdishi ikenlikini eskertip, «balqan rayonining muqimliqigha konkért töhpe qoshidighan ikki döletmiz, munasiwetlirimiz ikki tereplik, rayon xaraktérliq we  xelqaraliq sewiyede ortaq tariximizgha yarishidighan shekilde dawamlishidu» dédi.