yawropa ittipaqi: sirailiye sotning qararini toluq ijra qilishi kérek

türkiye awazi radiyosi xewiri: yawropa ittipaqi komitéti bilen yawropa ittipaqining tashqi munasiwet we bixeterlik siyasiti boyiche aliy wekili josép borrél xelqara edliye sotining israiliye toghrisida chiqarghan qararliri heqqide birleshme bayanat élan qildi.

xelqara edliye sotining qararlirining nezerge élinghanliqigha isharet qilinghan bayanatta, «yawropa ittipaqi birleshken döletler teshkilatining asasliq edliye orgini bolghan xelqara edliye sotini qollashni dawamlashturidighanliqini jezmleshtüridu. xelqara edliye sotining qarari terepler üchün cheklesh küchige ige bolup, terepler choqum ulargha boysunushi kérek. yawropa ittipaqi ularning toluq, téz we ünümlük shekilde yolgha qoyulushini ümid qilidu» dégen ibarilerge orun bérildi.

bayanatta yene, tereplerning pakit sunush hoquqining bügünki qararning tesirge uchrimaydighanliqi eskertildi.