ishtiyye: edliye sotining qarari israiliyening jazadin qéchish musapisige xatime berdi
pelestin bash ministiri muhemmed ishtiyye xelqara edliye sotining tél awiw üstidin sunulghan irqiy qirghinchiliq délosi toghrisidiki waqitliq aldini élish tedbirliri qararining israiliyening «jazadin qéchish musapisige xatime bergenliki»ni otturigha qoydi.
türkiye awazi radiyosi xewiri: pelestin bash ministiri muhemmed ishtiyye xelqara edliye sotining qarari toghrisida yazma bayanat élan qilip: «bu qarar israiliyening jazadin qéchish musapisining xatimisi bolup, israiliyeni qollawatqan döletlerni israiliyege yardem bérishni toxtitishqa mejburlashtin dérek béridu» dédi we sözini dawamlashturup, xelqara edliye sotining ghezzediki rehimsizlik we pajieni nezerde tutup, derhal urush toxtitishni qarar qilishini ümid qilidighanliqini we israiliyeni jawabkar orunduqigha olturghuzulushining ehmiyitini tekitlidi.
israiliyening ghezzediki kirizisning jawabkari ikenlikini bildürgen ishtiyye, xelqara jemiyetni ghezzege jiddiy insanperwerlik yardemlirining yetküzüp bérilishige ruxset qilishi üchün, israiliyege bésim ishlitishke chaqirdi.
ishtiyye jenubiy afriqa jumhuriyitining pelestin xelqige tutqan pozitsiyesige rehmet éytti we jenubiy afriqaning aqilanilik bilen heriket qilip, israiliyening pelestin xelqige qarshi sadir qilghan jinayetliri üstidin sotqa erz sundi.
jenubi afriqa jumhuriyiti 2023 -yili 29 dékabir israiliyening birleshken döletler teshkilatining 1948-yilidiki irqiy qirghinchiliqning aldini élish we jazalash ehdinamisige xilapliq qilghanliqini ilgiri sürüp, xelqara edliye sotigha erz sundi.
jenubiy afriqa ghezze weziyitining jiddiyliki sewebidin xelqara edliye sotidin waqitliq tedbirlerni yolgha qoyush toghrisida höküm chiqirishni telep qildi, mehkime 11-, 12- yanwar künliri laheydiki tinchliq sariyida aldini élish tedbirliri toghrisida ispat anglash soti achti.
mehkime, 26-yanwar tedbir qarari maqullap, israiliyening irqiy qirghinchiliq ehdinamisining 2-maddisida körsitilgen qilmishlarning sadir qilinmasliqi üchün qolidin kélidighan barliq tirishchanliqlarni körsitish bilen birlikte, derhal armiyesining mezkur maddida körsitilgen qilmishlarni sadir qilishining aldini élish tedbirlirini yolgha qoyushigha höküm qildi.
ghezzediki pelestinliklerge qarshi irqiy qirghinchiliq sadir qilishqa chaqirishlarning aldini élish, ulargha tosqunluq qilish we sadir qilghuchilarni jazalash üchün barliq zörür tedbirlerni qollinishqa qarar qilghan xelqara edliye soti, israiliyeni derhal we ünümlük tedbir qollinip, ghezzediki pelestinlikler duch kelgen passip turmush sharaitigha xatime bérishke höküm qildi. hemde qarar yolgha qoyulghandin bashlap bir ay ichide, israiliyening ijra qilinghan barliq tedbirler heqqide sot mehkimisige doklat sunushini telep qildi.
