amérikaning süriyedin esker chékindüridighanliqi ilgiri sürüldi
amérika taratquliri, 7-öktebirdin kéyin uzun yillardin buyan süriyede esker turghuzup kéliwatqan amérikaning muhim ishlar ret tertipide özgirish bolghanliqini, bu sewebtin süriyedin chékinishning pilanliniwatqanliqini ilgiri sürdi.
türkiye awazi radiyosi xewiri: bölgünchi térrorluq teshkilati p k k / y p g bilen meshiq qildurushtin tartip qoral yardimigiche bolghan nurghun sahelerde qoyuq munasiwet ornitip kelgen washington, nöwette qarar chiqirish ötkilide turmaqta.
amérikaning dangliq neshri efkarlirining biri bolghan «tashqi siyaset» zhurnili, töt emeldarni asas qilghan xewiride, washingtonning süriyedin chékinishni pilanlawatqanliqini yazdi.
xewerde, amérikaning süriyede texminen 900 eskirining barliqi, aqsarayning süriyediki mewjutluqini ehmiyetsiz, u yerge meblegh sélishni paydisiz, dep qarawatqanliqi ilgiri sürüldi we daéshning ottura sherqtiki ehwalining amérikagha nisbeten hel qilghuch seweb ikenliki tekitlendi.
xewerde, 2014-yili daéshning iraqta her ayda otturiche texminen 850 qétim weqe peyda qilghanliqi, 2023-yiligha kelgende her ay otturiche aran 9 qétim weqe peyda qiliwatqanliqi qeyt qilindi.
süriye weziyitining iraqqa qarighanda murekkep ikenlikige isharet qilinghan xewerde, amérikaning israiliye-pelestin jiddiychilikige munasiwetlik muhim ishlar tertipide özgirish bolush mumkinchiliki barliqi otturigha qoyuldi.
xewerde, süriyedin chékinishning qachan we qandaq élip emeliyleshtürülidighanliqining éniq emesliki, emma bu mesile toghrisidiki ichki muzakirilerning dawam qiliwatqanliqi eskertildi.
