sholz bilen zélénskiy ukrainaning nöwettiki weziyiti üstide söhbetleshti
gérmaniye bash ministiri sholz ukraina pirézidénti wolodimir zélénskiy bilen téléfonda körüshüp, ukrainaning nöwettiki weziyiti toghrisida pikir almashturdi.
türkiye awazi radiyosi xewiri: gérmaniye hökümet bayanatchisi shtéfén hébéshtayt yazma bayanat élan qilip, bash ministir sholzning ukraina pirézidénti zélénskiy bilen körüshüp, ukrainaning siyasiy, herbiy we insaniy weziyiti toghrisida pikir almashturghanliqini bildürdi.
körüshüshte, pirézidént zélénskiy rusiyening axirqi hujumlirining tesirliri toghrisida sholzgha melumat bergen we gérmaniyening ukrainaning hawa mudapiesini kücheytishke munasiwetlik qilghan yardimi üchün alahide rehmet éytqan.
bash ministir sholz rusiyening hujumliri qarshisida gérmaniyening ukraina bilen «tewrenmes hemkarliq» ichide ikenlikini we yawropa hemde xelqaradiki bashqa shérikler bilen birlikte yéqin kordinatsiye astida ukrainani herbiy jehettin qollashni dawamlashturidighanliqini bildürgen.
ikki rehber körüshüshte, 2023-yili iyulda ötküzülgen G7 dölet guruhining ortaq xitabnamesini ijra qilish ramkisida, ikki terepning bixeterlik we qollash kélishimlirige munasiwetlik dawamlishiwatqan uchrishishlarni qisqa waqit ichide axirlashturush toghrisida pikir birlikige kelgen.
mezkur xitabnamede, G7 dölet guruhining xelqaraliq sehnilerde étirap qilinghan chégraliri ichide özini qoghdiyalaydighan we kelgüsidiki hujumlarni chékindüreleydighan, musteqil, démokratik we igilik hoquqigha ige ukrainaning istratégiyelik nishanigha emel qilishta tewrenmesliki yene bir qétim yéngilanghan idi.
engliye G7dölet guruhi ichide ukraina bilen birinchi bolup 12-yanwar (2024) bixeterlik hemkarliq kélishimi imzalighan dölet bolghan idi
