isirailiye ikki ay urush toxtitishni teklip qilghan
hamas isirailiyening barliq esirlerni qoyup bérish bedilige ghezzede ikki ay urush yoxtitish teklipini, uzun muddetlik we daimiy urush toxtitishni xalaydighanliqini bildürüp ret qildi.
türkiye awazi radiyosi xewiri: amérika «Axios» tor béti isirailiye emeldarlirini neqil qilip, isirailiyening hamasqa yéngi urush toxtitish teklipi sunghanliqini xewer qildi.
xewerde, tél awiw hökümitining hamasning qolidiki esirlerning hemmisini qoyup bérish bedilige, ghezzege qaratqan hujumlirini ikki ay toxtitishni teklip qilghanliqi bildürüldi.
isirailiyening ghezzede uzun muddetlik urush toxtitishni öz ichige almighan teklipini qatar we misir arqiliq yetküzgenliki eskertilgen xewerde, pikir birliki hasil qilinghan ehwalda deslepte ayallar we 60 yashtin yuqiri bolghan erler, salametlik ehwali éghir bolghan esirlerni qoyup bérish؛ kéyinki qedemde, ayal eskerler, esker bolmighan 60 yashtin töwen erlerni qoyup bérish؛ axirida isirailiyelik esker we esirlerning jesetlirini tapshurup bérishning pilan qilinidighanliqi qeyt qilindi.
xewerde, isirailiye bilen hamasning her bir isirailiyelik esirning bedilige qanche pelestinlik esirni qoyup bérish üstide kélishim hasil qilinghandin kéyin, qoyup bérilidighan kishiler üstide birmu bir ayrim muzakire ötküzülidighanliqi bildürüldi.
isirailiye dairilirining bayanatlirigha asaslanghanda, ghezzede 136 isirailiyelik esir bar iken.
