abdullahyan amérikani «urushning dairisi kéngiyip kétidu» dep agahlandurdi
iran tashqi ishlar ministiri hüseyin emir abdullahyan yemendiki xusiylargha qarshi birlikte yéngi hujum bashlighan amérikagha, «urushning dairisi kéngiyip kétidu» dep agahlandurush uchuri yollighanliqini éytti.
türkiye awazi radiyosi xewiri: iran dölet téléwiziyesining xewirige asaslanghanda, tashqi ishlar ministiri abdullahyan bügün (23-yanwar) birleshken döletler teshkilati xepsizlik kéngishining ghezze weziyiti toghrisidiki yighinigha qatnishish üchün nyu yorkqa yétip barghan we rayondiki özgirishler heqqide bayanat élan qilghan.
iran ministiri amérikaning engliye bilen birlikte yemendiki xusiylargha qarshi élip barghan hawa hujumi üstide toxtilip: «amérika we engliyege rayonning tinchliqi hemde bixeterlikige tehdit salidighan hujumlarning urush dairisini kéngeytiwitidighanliqi toghrisida jiddiy agahlandurushlarni yolliduq» dédi.
iran qollap - quwetlewatqan yemendiki xusiylar eden qoltuqida amérikaning yük paraxotlirigha bashqurulidighan bombilar bilen hujum qilghanliqini, amérika we engliye qisimlirining bolsa, paytext sanaagha hawa hujumi qilghanliqini élan qilghan idi.
