pakistan bilen iran bash elchiliri toghrisida pikir birliki hasil qildi

türkiye awazi radiyosi xewiri: pakistan tashqi ishlar ministirliqi bayanat élan qilip, tashqi ishlar ministiri jelil abbas jilani bilen iran tashqi ishlar ministiri hüseyin emir abdullahyan otturisidiki téléfon söhbitidin kéyin, téhran we islamabadning ikki dölet bash elchilirining 26-yanwarghiche öz wezipilirige qaytip kélishi toghrisida pikir birliki hasil qilghanliqini bildürdi.

bayanatta, ministir jilanining teklipige binaen iran tashqi ishlar ministiri abdullahiyanning 29-yanwar pakistanni ziyaret qilidighanliqi eskertildi.

iran 16-yanwar pakistanning zéminlirigha bashqurulidighan bomba we uchqular bilen hujum qilip, térrorluq unsurlirini yoqitishni nishan qilghanliqini élan qilghan idi. pakistanmu shu küni axshimi iranning chégra yonidiki bir nuqtini bashqurulidighan bomba bilen bombardiman qilip, térroristlargha qarshi heriket bashlighanliqini bildürgen idi.

islamabad 17-yanwar téhrandiki bash elchisini qayturup ketken idi.

iran 15-yanwarmu térrorluq teshkilatliri we isirailiye istixbaratigha zerbe bérishni seweb qilip, iraqning shimaligha bashqurulidighan bomba atqan idi.

iraq dairiliri irangha qattiq naraziliq bildürüp, iranning hujumining asassiz ikenlikini we döletning igilik hoquqigha dexli-teruz qilghanliqini tekitligen idi.