xitayda kem dégende 47 kishi we 18 öyni tupraq yutti
xitayning yünnen ölkiside yüz bergen tagh gümürülüp chüshüsh weqeside kem dégende 47 kishi we 18 öyning tupraq astida qalghanliqi bildürüldi.
türkiye awazi radiyosi xewiri: xitayning gherbiy jenubidiki yünnen ölkiside shu yerning waqti etigen saet 05:51 de tagh gümürülüp chüshüsh weqesi yüz berdi.
jawtong shehirige qarashliq jénshyong rayonida yüz bergen tagh gümürülüp chüshüsh weqeside 18 öy bilen birlikte kem dégende 47 xitay tupraq astida qaldi.
weqe yüz bergendin kéyin, rayonda aran bir kishi qutquzuwélindi, 500 din artuq kishi tarqaqlashturuldi.
xitay dölet reisi shi jinping izdesh we qutquzush xizmetlirining pütün süriti bilen dawamlishishini telep qildi.
térmométir nöldin töwenge chüshüp qalghan rayonda, qutquzush xizmetlirining dawam qiliwatqanliqi bildürüldi, emma ölgenlerning sani toghrisida téxiche héchqandaq bayanat élan qilinmidi.
xitayning taghliq rayonlirida tagh gümürülüp chüshüsh we kelkün qatarliq apetler köp yüz bérip turidu.
2013 - yilimu jénshyongda yüz bergen tagh gümürülüp chüshüsh weqeside 18 xitay ölgen idi.
