qanunsiz yehudiy köchmenler gherbiy qirghaqta ikki pelestinlikni yaridar qildi
qanunsiz yehudiy köchmenler ishghaliyet astidiki gherbiy qirghaqning ramallah we elxelil sheherliridiki pelestinlikler turushluq olturaq rayonlargha hujum qilip, maddiy ziyan saldi we ikki pelestinlikni yaridar qildi.
türkiye awazi radiyosi xewiri: ramallahning sherqidiki rammon yéza bashliqi ibrahim sulayman yehudiy köchmenlerning yézidiki pelestinlik déhqanlar jaylashqan rayongha hujum qilghanliqini, hujumda ikki pelestinlikning yarilanghanliqini bildürdi.
ibrahim sulayman israiliye eskerlirining bir pelestinlikni tutup ketkenlikini tilgha élip, yehudiy köchmenlerning qoylarni oghrilash üchün ikki pelestinlik aile turushluq binagha hujum qilghanliqini, yerlik ahalilerning oghriliqning aldini élishqa tirishqanliqini éytti.
rammon yézisida yehudiy köchmenlerning hujumida yarilanghan we yüzi qangha boyalghan pelestinlikning sin körünüshi, pelestin azadliq teshkilati (FKÖ) gha tewe «ayrilish témi» (nomus témi) we yehudiy qarnunsiz olturaq rayon qurulishigha qarshi küresh kéngishining féysbuk bétide élan qilindi.
yene bir tereptin, kéngesh gherbiy qirghaqning jenubidiki yehudiy köchmenlerning israiliye eskerlirining qoralliq qoghdishi astida, elxelilning jenubidiki masafer yatta rayonigha jaylashqan susiya yézisida charwa mallirini pelestinliklerning déhqanchiliq yerliride we munbet zeytun derixi bar baghlirida otlatqanliqini bildürdi.
