pelestinni qollighuchilar bilen italiye saqchiliri otturisida sürkilish yüz berdi
italiyening shimalidiki wisénza shehirdiki bir yermenkige israiliyelik ishtirakchilarning qatnishishigha naraziliq bildürmekchi bolghan pelestinni qollighuchi xelq ammisi bilen italiye saqchiliri otturisida sürkilish yüz berdi.
türkiye awazi radiyosi xewiri: wisénza shehiride israiliyening ghezzege qiliwatqan hujumigha naraziliq bildürüp, pelestinni qollash namayishi ötküzgen texminen 500 kishilik guruppa sheherdiki altun yermenkisige qatnashmaqchi bolghan israiliyelik ishtirakchilargha qarshi namayish ötküzdi. italiye bixeterlik qisimlirining namayishqa tosqunluq qilishi bilen sürkilish chiqti.
qollirida «yer shari urushini toxtitinglar!» we «pelestinge erkinlik!» dep yézilghan lozinkilarni kötürüshken namayishchilarning yermenke meydanigha bérishigha saqchilar yol qoymighanliqi sewebidin malimanlchiliq yüz berdi.
saqchilar kaltek bilen namayishchilargha hujum qilghandin kéyin, namayishchilarmu étilghaq we is-tütek bombisi étip jawap qayturdi.
weqe jeryanida texminen 10 gha yéqin saqchi yariladi. besh namayishchi qolgha élindi we ular heqqide jinayi ishlar erzi sunuldi.
saqchilar yuqiri bésimliq su ishlitip namayishchilarni tarqaqlashturdi.