amérika türkiyege F-16 sétip bérish mesilisi toghrisidiki bayanatini tekrarlidi
amérika qoshma ishtatliri dölet bixeterlik kéngishining istratégiyelik alaqe maslashturghuchisi jon kirbiy, washingtonning türkiyege F-16 tipliq kürüshchi ayropilan sétip bérishni qollashni dawamlashturuwatqanliqini bildürdi.
türkiye awazi radiyosi xewiri: jon kirbi kündilik muxbirlarni kütüwélish yighinida, amérikaning türkiyege F-16 tipliq küreshchi ayropilan sétip bérishi mesilisi toghrisida toxtaldi؛ jow baydin hökümitining wezipe ötküzüwalghandin buyan bu mesilide oxshash linyeni boylap méngiwatqanliqini bildürgen kirby: «biz qoshumche F-16 tipliq ayropilanlarning sétilishini we türkiyening F-16 filotini zamaniwilashturushini dawamliq qollaymiz» dégenlerni qeyt qildi.
u türkiyege F-16 tipliq kürüshchi ayropilanlarni sétip bérish toghrisidiki resmiy uqturushning amérika dölet mejlisige qachan melum qilinidighanliqi heqqide éniq bir nerse déyelmeydighanliqini sözlirige ilawe qildi.
türkiye 2021-yili öktebirde 40 dane «blok-70 F-16» tipliq küreshchi ayropilan we 79 zamaniwilashturush zapchaslirini sétiwélishni xalaydighanliqini amérikagha melum qilghanidi.
amérika hökümiti hazirghiche bergen bayanatlirida, F-16 tipliq küreshchi ayropilanlarning türkiyege sétilishini qollaydighanliqini bildürüp kelgen bolsimu, emma bu heqtiki qararini amérika dölet mejlisige qachan resmiy uqturush qilidighanliqi toghrisida éniq ipade bildürüshtin özini qachurüp kelmekte.
