israiliye 36-diwiziyesini ghezzedin chékindüridighanliqini élan qildi

türkiye awazi radiyosi xewiri: israiliye armiyesi radiyosida bayanat élan qilip, 3 diwiziyening ghezzediki «jeng»ni dawamlashturidighanliqini, 36-diwiziyening chékindürülidighanliqi uqturdi.

israiliye armiyesi 12-ayning 31-künidiki bayanatidimu, ghezzedin 551-zapas birigada, 14-birigada we üch meshiq birigadasini chékindürüdighanliqini élan qilghanidi.

israiliyening «walla» xewerler tori bilen israiliye 12-qanili, 12-ayning 21-küni ghezzede éghir talapetke uchrighan golani birigadasi eskerlirining «aram élish üchün ghezzedin chékingenliki»ni élan qilghanidi.

undin bashqa, israiliye dölet téléwiziyesi  — kan 4-yanwardiki xewiride, armiyening ghezzening bezi rayonliridiki kichik herbiy küchler bilen bolghan urushning üchinchi basquchqa kirgenlikini ilgiri sürgenidi.

emma, israiliye armiyesi üchinchi basquchqa ötkenliki toghrisida resmiy bayanat élan qilmidi.

pelestin islamiy qarshiliq körsitish herikiti — hamasning herbiy qaniti bolghan qessam birigadasi 7-öktebir israiliyege «eqsa topani» namliq keng kölemlik hujum qozghighanliqini jakarlighan. arqidin israiliye armiyesi ghezzege qarshi urush ayropilanlirini ishqa sélip «tömür qilichlar» herikiti tashlighanliqini élan qilghanidi.

ikki terepning künséri keskinlishiwatqan toqunushliri jeryanida, 24 mingdin artuq pelestinlik hayatidin ayrildi.